თელავის სახელმწიფო უნივერსიტეტი კავალას განვითარების სააგენტოს პროექტის ერთადერთი ქართველი პარტნიორი გახდა. პროექტის თანახმად, იუნესკოს სიაში შეტანილი კულტურული მემკვიდრეობის ძეგლების მეშვეობით, შავი ზღვის აუზის ხუთი ქვეყანა ახალ ტურისტულ კორიდორს შექმნის. საბერძნეთი, თურქეთი, მოლდოვა და რუმინეთი, პროექტში სხავადასხვა ორგანიზაციების მეშვეობით ჩაერთვებიან.
იაკობ გოგებაშვილის სახელობის თელავის სახელმწიფო უნივერსიტეტი, მონაწილე მხარეებს შორის ერთადერთი საგანმანათლებლო დაწესებულებაა.
პრესკონფერენცია პროდუქტის თაობაზე, უნივერსიტეტში დღეს, სხავადასხვა ქვეყნის წარმომადგენელმა პროექტის ხელმძღვანელებმა ჩაატარეს. პროექტის ერთ-ერთი პარტნიორის, საბერძნეთის კოორდინატორის, ნიკოლას თომაიდისის განმარტებით, იუნესკოს დაცული ძეგლების მეშვეობით, ყველა ასაკის ტურისტისთვის ხელმისაწვდომი, განათლებისა და გართობის გამაერთიანებელი პროდუქტი შეიქმნება.
„ერთნაირად საინტერესო იქნება ყველა ასაკის ტურისტისთვის, დამუშავდება ელექტრონული წიგნი, მომზადდება აგრეთვე სასწავლო მოდულები გეოლოკაციების შესახებ. კორიდორი იქნება უნიკალური, მულტიმედიური სერვისი შავი ზღვის აუზის ტერიტორიაზე“, – განაცხადა თომაიდისმა.
თელავის სახელმწიფო უნივერსიტეტმა უკვე წარადგინა კულტურული მკვიდრეობის 10 ლოკაციის ჩამონათვალი, რომელთა შორის, თელავური ქორწინების სახლი, თელავის ღვინის მარნები, ბატონის ციხე, თელავის არქიტექტურა, ერეკლეს მონუმენტი, ათასწლოვანი ჭადრის ხე და შუამთის მონასტერიც შევიდა. პროექტის ფარგლებში შექმნილ საბოლოო პროდუქტს, მონაწილე ქვეყნები, 2023 წლის ბერლინის საერთაშორისო ტურიზმის გამოფენაზე წარადგენენ.
