პატიმარი გ.ს., რომელმაც, ფსიქიკური ჯანმრთელობისა და ნარკომანიის პრევენციის ცენტრში, სპეციალური პენიტენციური სამსახურის ესკორტის ოფიცერს ცეცხლსასროლი იარაღი ამოაცალა და თავის არეში ჭრილობა მიიყენა, გარდაიცვალა.
ფსიქიკური ჯანმრთელობისა და ნარკომანიის პრევენციის ცენტრში 20 აგვისტოს მომხდარი შემთხვევის შემდეგ, დაჭრილი პატიმარი კომატოზურ მდგომარეობაში იყო.
სპეციალურმა საგამოძიებო სამსახურმა პატიმარ გ.ს.-ის ჯანმრთელობის დაზიანების ფაქტთან დაკავშირებით გამოძიება იმავე დღეს დაიწყო. ესკორტის ოფიცერი ვალერი გოზალიშვილი საქართველოს სისხლის სამართლის კოდექსის 342-ე მუხლის მე-2 ნაწილით გათვალისწინებული დანაშაულის ჩადენისთვის დააკავეს, რაც გულისხმობს მოხელის მიერ სამსახურებრივი მოვალეობის არაჯეროვნად შესრულებას მისდამი დაუდევარი დამოკიდებულების გამო, რამაც მძიმე შედეგი გამოიწვია. აღკვეთის ღონისძიების სახით, მას პატიმრობა შეეფარდა.
