12-პუნქტიან გეგმაზე მუშაობა პროაქტიულად გრძელდება და ეს პროცესი ასევე საუკეთესო ლუსტრაციას ახდენს, ჩვენ ქვეყანაში ვინ არიან დესტრუქციული ძალები, ვის სურს, რომ რამენაირად დააზიანოს ჩვენი ქვეყნის ეროვნული და სახელმწიფო ინტერესები, – ამის შესახებ ფრაქცია „ქართული ოცნების“ თავმჯდომარის მოადგილემ, რატი იონათამიშვილმა განაცხადა.
მისი თქმით, რადიკალურმა და უსამშობლო ჯგუფებმა ნორმად შემოიღეს, რომ ფალსიფიცირებული სახელი დაარქვან ამა თუ იმ მოვლენას.
„სამწუხაროდ, რადიკალურმა და უსამშობლო ჯგუფებმა ნორმად შემოიღეს, რომ ფალსიფიცირებული სახელი დაარქვან ამა თუ იმ მოვლენას. მაგალითად სამოქალაქო სექტორს ხშირად ეძახიან სინამდვილეში პოლიტიკურ პარტიებს, თანაც რადიკალურ პოლიტიკურ პარტიებს, რომელთაც დესტრუქციის გარდა ამოცანები არ გააჩნიათ“, – განაცხადა რატი იონათამიშვილმა.
