სინოპტიკოსების პროგნოზით, საქართველოში ტემპერატურამ შესაძლოა, 40 გრადუსამდე მოიმატოს, მოსალოდნელია ძლიერი ქარიც. გარემოს ეროვნული სააგენტოს ინფორმაციით, 28 აგვისტომდე წვიმის შესაძლებლობა მცირეა, შესაბამისად, ხანძრების მხრივ სიტუაციის გაუმჯობესება ამ პერიოდში მოსალოდნელი არ არის:
„11 აგვისტოდან ბორჯომის მუნიციპალიტეტში არ უწვიმია და ყოველდღე, 11 აგვისტოდან ფიქსირდება ჰაერის მაღალი ტემპერატურა, რომელიც 34 გრადუსიდან 37 გრადუსამდე მერყეობს. უნალექო ამინდს 28 აგვისტომდე ვინარჩუნებთ და ამასთან ერთად მაღალ ტემპერატურას +34-36 გრადუსის ფარგლებში. ასევე არსებობს ქარის შესაძლებლობა, ხოლო წვიმის შესაძლებლობა კი მცირეა. სერიოზულ წვიმას, რომ გაუმჯობესდეს ხანძრების მხრივ სიტუაცია, ასეთ სიტუაციას არ ველოდებით. მაღალი ტემპერატურა მოსალოდნელია უფრო დასავლეთ საქართველოში 28 აგვისტომდე, ძირითადად 34-39 გრადუსის ფარგლებში, მაგრამ ცალკეულ რაიონებში შესაძლოა +40 გრადუსიც იყოს. მაღალი ტემპერატურაა მოსალოდნელი ასევე შავი ზღვის კურორტებზე“, – აცხადებს გარემოს ეროვნული სააგენტოს ამინდის გრძელვადიანი პროგნოზების განყოფილების უფროსი სვეტლანა ნიორაძე.
