მიხეილ სააკაშვილის დედამ, გიული ალასანიამ, კლინიკა „ვივამედში“, თავისი შვილის მონახულებამდე, განაცხადა, რომ ექიმებით კმაყოფილია, თუმცა, აღნიშნა, რომ უმჯობესი იქნება, თუ ის გარემოს შეიცვლის.
„მგონია, რომ გარემოს შეცვლა და მისი გაყვანა დადებითად იმოქმედებს. ჩემთვის მნიშვნელოვანია იცოდეთ, რომ ძალიან კმაყოფილი ვარ ექიმებით. ვფიქრობ, რომ ყველაფერი სწორად უკეთდება, უბრალოდ ადამიანს აქვს მძიმე მდგომარეობა. მას ბევრი დიაგნოზი აქვს და შესაბამისად ბევრი გამოკვლევა არის საჭირო”, – განაცხადა გიული ალასანიამ.
