რას ამბობს შინაგან საქმეთა სამინისტროს ფულის გათეთრების წინააღმდეგ ბრძოლის სამსახურის ყოფილი გამომძიებელი ზურაბ შონია რუსეთში დაწესებული სანქციების გამო. – – რუსეთის მოქალაქეებს რუბლის გადახურდავება საერთაშორისო ვალუტაში აღარ შეუძლიათ, ამიტომაც მათ უკვე რამდენიმე თვეა საქართველოს გამოყენებით ალტერნატიული გზა აქვთ მოფიქრებული.
კერძოდ რას გულისხმობთ ბატონო ზურაბ ?
-სქემა შემდეგნაირად მუშაობს: რუსეთის მოქალაქეები ფულად გზავნილს ანუ რუბლს საქართველოში აგზავნია; თანხის კონვერტაცია აქ დოლარში ან ევროში ხდება, თუმცა ფული საქართველოში არ რჩება, მალევე გადახურდავებული თანხა ისევ რუსეთში იგზავნება, თუმცა უკვე ნაღდი ფულით – ან ავტომობილით ან თვითმფრინავით. სქემაში აქტიურად მონაწილეობენ საქართველოს მოქალაქეებიც და ამ მომსახურებაში დაახლოებით 100 ლარს იღებენ.
თითო გზავნილის მაქსიმალური ლიმიტი 2 000 დოლარია, რუსეთის მოქალაქეები ამ სქემაში ქართველებს იყენებენ, იმისთვის, რომ რუბლის დოლარში კონვერტაცია ულიმიტოდ შეძლონ. გამოგზავნილი თანხა საქართველოს მოქალაქეების სახელზე იგზავნება, ქართველები კი რუსებს უბრუნებენ.
და ეს არ იცის სახელმწიფომ ?
-ვიზე მეკითხებით პუტინთან გარიგებულ ხელისუფლებაზე? იმ ხელისუფლებაზე რომლიც ჩვენს დასავლეთ მეგობარ ქვეყნებს ევრპოპას ამერიკის შეერთებულ შტატებს მტრად აცხადებს და სამაგიეროდ რუსეთის მოქალაქეებს უქმნის სასათბურე პირობებს ჩვენთან ? რა თქმა უნდა ხელისუფლება იცის ყველაფერი და ხელსაც უწყობს. როცა ამერიკის მიერ სანქცირებულ ქვეყანას ეფერები ანუ შენ შენი ხალხის მტერი ხარ . უნდა გავიღვიძოთ და ხმა ამოვიღოთ თორემ ერთ დღესაც გაგვეღვიძება მოსკოვის გარე უბანში
ოფიციალური მონაცემებით რუსეთი საქართველოში გზავნილების რაოდენობით პირველ ადგილზეა. რუსეთიდან მიღებულმა თანხამ 174 მილიონ დოლარს გადააჭარბა, რაც გასულ წელთან შედარებით 351%-ით მეტია.
2022 წელი 07 მაისი
