უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინამ სტრატეგიულ გარდატეხას მიაღწია და გამარჯვებისკენ მიდის.
უკრაინის პრეზიდენტის თქმით, ახლა შეუძლებელია იმის თქმა, თუ რამდენი დღე დასჭირდება უკრაინას თავისი მიწის გასათავისუფლებლად, თუმცა დარწმუნებით შეიძლება იმის თქმა, რომ უკრაინა ამას გააკეთებს.
„სტრატეგიულ გარდატეხას უკვე მივაღწიეთ. ჩვენი გამარჯვებისკენ მივდივართ. ეს სამამულო ომია. ეს ძალიან ჯიუტ მტერთან ომია, რომელიც ყურადღებას არ აქცევს ათასობით მოკლულ თავის ჯარისკაცს და სირიიდან დაქირავებული მებრძოლების შემოყვანა გადაწყვიტა“, – აღნიშნა ვოლოდიმირ ზელენსკიმ.
