პანდემია არსად წასულა, პანდემია არ დამთავრებულა. რუსეთის თავდასხმისა და შეჭრის შემდეგ იქ [უკრაინაში] ნამდვილი ომია და ამ ომმა პანდემია და ყველა გამოწვევა, რაც კი არსებობს გადაფარა, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ტელეკომპანია „იმედთან“ განაცხადა.
„ჯერჯერობით ჩვენთან არც მეექვსე ტალღა არ დასრულებულა. ახლა ვართ მეექვსე ტალღის ე.წ. დაღმავალ ფერდზე. თუ ეს ვირუსი ევოლუციის კანონებს ემორჩილება, მაშინ ის თანდათან უნდა მინელდეს და შემოდგომაზე მოგვევლინოს როგორც სეზონური ვირუსი“, – განაცხადა ამირან გამყრელიძემ.
