ბრიტანეთის პრემიერ-მინისტრი, ბორის ჯონსონი Twitter-ის გვერდზე წერს, რომ, უკრაინის წინააღმდეგ განხორციელებული აგრესიის პასუხად, რუსეთს გლობალური საფინანსო სისტემიდან გათიშავენ.
„ჩვენს საერთაშორისო პარტნიორებთან ერთად, მივიღეთ საბოლოო გადაწყვეტილება, რუსეთის ფლობალური საფინანსო სისტემიდან გათიშვის შესახებ. მათ შორის, მნიშვნელოვანია პირველი ნაბიჯი, რომლითაც, რუსული ბანკები SWIFT-იდან გაითიშებიან. გავაგრძელებთ ერთობლივ მუშაობას, რათა პუტინმა ამ აგრესიისთვის ფასი გადაიხადოს“, – აღნიშნულია ბრიტანეთის პრემიერის განცხადებაში.
უკრაინის პრემიერ-მინისტრმა, დენის შმიგალმა დასავლელ პარტნიორებს ამ მექანიზმის გამოყენებისთვის მადლობა გადაუხადა. მან Twitter-ზე დაწერა, რომ აშშ-მა, საფრანგეთმა, გერმანიამ, იტალიამ, კანადამ და ბრიტანეთმა რამდენიმე რუსული ბანკის SWIFT-ის სისტემიდან გათიშვა გადაწყვიტა.
მისივე ინფორმაციით, ამ ქვეყნების მიერ მოხდება რუსეთის ცენტრალური ბანკის აქტივების შეზღუდვა და „რუს ოლიგარქებს აეკრძალებათ, გამოიყენონ თავიანთი ფინანსური აქტივები ევროატლანტიკურ ბაზრებზე“.
