უკრაინის თავდაცვის მინისტრი, ქვეყანაში მიმდინარე საომარ ვითარებაზე Twitter-ის საკუთარ გვერდზე წერს და მსოფლიოს მეტი მხარდაჭერისკენ მოუწოდებს. როგორც ქვეყნის თავდაცვის უწყების პირველი პირი აღნიშნავს, ახლა უკრაინაზეა დამოკიდებული დანარჩენი მსოფლიოს უსაფრთხოება.
„წინააღმდეგობის 72 საათი! მსოფლიომ არ დაიჯერა, მსოფლიო დაეჭვდა, მაგრამ ჩვენ არათუ ძალა შევინარჩუნეთ, არამედ თავდაჯერებულად ვაგრძელებთ რუსი ოკუპანტის წინააღმდეგ ბრძოლას! ჩვენ ვაჩვენეთ მსოფლიოს – ნუ შეგეშინდებათ რუსეთის, იყავით ძლიერნი და მოიგერიეთ ის. უკრაინის მხარდაჭერა უფრო ძლიერი უნდა იყოს! თქვენი უსაფრთხოება ჩვენზეა დამოკიდებული“, – წერს ალექსეი რეზნიკოვი.
