ანზორ ერქომაიშვილის სახელობის ფოლკლორის სახელმწიფო ცენტრმა ზუგდიდში სალოტბარო სკოლა გახსნა. ხელი ურთიერთთანამშრომლობის მემორანდუმს მოეწერა, რის საფუძველზეც ზუგდიდისა და ცაიშის ეპარქიის მიერ დაფუძნებულ განათლებისა და კულტურის ცენტრში სალოტბარო სკოლას შესაბამისი ფართი დაეთმობა.
ფოლკლორის სახელმწიფო ცენტრის ინიციატივით და კულტურის სამინისტროს მხარდაჭერით, საქართველოს რეგიონებში სულ 29 სალოტბარო სკოლა ფუნქციონირებს.
სალოტბარო სკოლებში ნებისმიერ მსურველს უფასოდ შეუძლია შეისწავლოს ქართული ხალხური სიმღერა და ტრადიციული გალობა.
