მაღალმთიან აჭარაში დიდთოვლობამ პრობლემები შექმნა. ხულოში სოფლების ნაწილი ამ დრომდე ჩაკეტილია. კურორტ გოდერიძიზე ასვლა მხოლოდ მაღალი გამავლობის ავტომობილითაა შესაძლებელი. დაზიანებულია ელექტროგადამცემი ხაზები. სოფლების უმრავლესობა ელექტროენერგიის გარეშეა დარჩენილი. საგანგებო რეჟიმში მუშაობენ შესაბამისი სამსახურები. ადგილზე გზების გაწმენდითი სამუშაოების აქტიურად მიმდინარეობს. პირველ ეტაპზე ადმინისტრაციულ ერთეულებთან მისასვლელი გზები იწმინდება. თოვლის საფარი დაბაში ნახევარ მეტრს, სოფლებში კი ერთ მეტრს აღწევს.
ანალოგიური ვითარებაა შუახევში. ქედაში კი მეწყრული პროცესები განვითარდა. ხულოში გზის გაწმედნის პროცესში 14 სპეციალური ტექნიკაა ჩართული, შუახევში -11, ხოლო ქედაში 7 ერთეული. მაღალი ზონის სოფლებში თოვლის საფარი 70-80 სმ-ს აღწევს.
