იუსტიციის სახლები და საზოგადოებრივი ცენტრები, უქმეებზე ჩვეულ რეჟიმში იმუშავებენ და მომხმარებელს 09:00 საათიდან 18:00 საათამდე მოემსახურებიან.
უქმეების პერიოდში, მომხმარებლისთვის, სრულად იქნება ხელმისაწვდომი იუსტიციის სახლის უკლებლივ ყველა, 450-ზე მეტი სერვისი.
3-დან 10 იანვრის პერიოდში იმუშავებენ, მობილური იუსტიციის სახლის ავტომანქანებიც, რომლებიც საქართველოს 6 რეგიონის სოფლებს ჩვეული გრაფიკითა და პერიოდულობით მიაკითხავენ.
საახალწლო უქმეებთან დაკავშირებით, ფილიალები მხოლოდ შობის დღესასწაულზე – 7 იანვარს დაისვენებენ.
