ვაქცინაცია ყველამ უნდა ჩაიტაროს, რადგან იმ კატასტროფამდე არ მივიდეთ, რაც სახეზეა არავაქცინირებულ პაციენტებში, – ამის შესახებ პირველი საუნივერსიტეტო კლინიკის დირექტორმა ტელეკომპანია „იმედის“ ეთერში ვაქცინაციაზე საუბრისას განაცხადა.
ლევან რატიანის თქმით, თანამედროვე მედიცინამ შექმნა ვაქცინები და შედეგად ისეთი დაავადებებით, როგორიც არის წითელა, ჩუტყვავილა, ყვავილი და სხვა ინფექციები, რომლითაც მსოფლიოში უამრავი ადამიანი იღუპებოდა, აღმოიფხვრა.
„არსებობს ორი სახის იმუნიტეტი: დაავადების გადატანის შედეგად როდესაც ჩნდება ბუნებრივი იმუნიტეტი და პოსტვაქცინაციური. რა თქმა უნდა, ეს ორივე წარმოქმნის ე.წ. პოპულაციურ იმუნიტეტს, მაგრამ მე, როგორც ექიმი, არავის ვუსურვებ, კოვიდი დაემართოს, როდესაც ვაქცინა არსებობს. ანუ, ვაქცინაცია ყველამ უნდა ჩაიტაროს, რადგან იმ კატასტროფამდე არ მივიდეთ, რაც სახეზეა არავაქცინირებულ პაციენტებში“, – განაცხადა რატიანმა.
