თელავის მუნიციპალიტეტის სოფელ ყარაჯალაში ერთმანეთს 15-მდე თანასოფლელი ფიზიკურად და სიტყვიერად დაუპირისპირდა. ადგილობრივების ჩხუბი ცოტა ხანში პოლიციელებთან დაპირისპირებაში გადაიზარდა, რომელთაც ჩხუბში მონაწილე პირებს მართლწესრიგის დაცვისაკენ მოუწოდეს.
ჩხუბის დროს დაზიანებები მიიღო სამმა მონაწილემ, რომლებიც თელავის რეფერალურ ჰოსპიტალში გადაიყვანეს. სამივე პაციენტი ამ დრომდე კლინიკაში რჩება და მკურნალობას გადის. მათ სიცოცხლეს საფრთხე არ ემუქრება. შინაგან საქმეთა სამინისტროს ცნობით, დაზიანებები მიიღეს პოლიციელებმაც.
ყარაჯალაში მოქალაქეებს შორის მომხდარ ძალადობის ფაქტზე გამოძიება სსკ-ის 126-ე მუხლით, ხოლო პოლიციის თანამშრომლებზე განხორციელებული თავდასხმის და დაუმორჩილებლობის ფაქტზე სისხლის სამართლის კოდექსის 353-ე პრიმა მუხლით დაიწყო.
საქმეს კახეთის სამხარეო პოლიციის დეპარტამენტი იძიებს.
