ირაკლი კობახიძის განცხადებით, ქვეყანაში ე.წ. ხელოვნური კრიზისი დასრულდა. პარტია „ქართული ოცნების“ თავმჯდომარის თქმით, ქვეყანაში 2024 წლამდე არჩევნები აღარ ჩატარდება და არც მოლაპარაკებები იქნება.
„დამთავრდა ე.წ. ხელოვნური კრიზისი მას შემდეგ, რაც ჩვენ მოვიგეთ ე.წ. რეფერენდუმი, 3 წელი ამ ქვეყანას მიეცემა მშვიდად განვითარების საშუალება, არავითარი არჩევნები არ და არავითარი მოლაპარაკებები არ იქნება 2024 წლამდე. თუ ვინმეს საუბარი უნდა, უნდა ისაუბროს საქართველოს პარლამენტში, რომელიც არის ადგილი პოლიტიკური დებატებისთვის“, – განაცხადა ირაკლი კობახიძემ.
