რადიკალებისთვის მარცხის ერთ-ერთი მთავარი მიზეზი პრემიერი ღარიბაშვილია, რომელსაც როგორც ქვეყნის შიგნით, ასევ საერთაშორისო ასპარეზზე მართლაც დიდი ავტორიტეტი აქვს. შემდგომი მარცხის შიშით მასზე შეტევა გადაწყვიტეს – აბსურდული ჭორიც კი მოიგონეს, თითქოს, პრემიერ-მინისტრის გადაყენება იგეგმება, – ასე ეხმიანება ექსპერტი ლევან ნიკოლეიშვილი ტელეკომპანია „პირველის“ მიერ გავრცელებულ ინფორმაციას, რომ თითქოს, პრემიერ-მინისტრის გადაყენება იგეგმება.
ნიკოლეიშვილის აზრით, „ქართულმა ოცნებამ“ არჩევნებში დამაჯერებელი გამარჯვება მოიპოვა და სწორედ, ამ ფაქტს და ღარიბაშვილის ავტორიტეტს უკავშირდება გავრცელებული ცრუ ინფორმაციები.
„გავეშებულ-გამწარებულია ოპოზიცია და ნაციონალების პროპაგანდის მანქანები, ტელევიზიად წოდებულები: არ გამართლდა მათი სურვილი და მიზანი – თვითმართველობის არჩევნების რეფერენდუმსა და ვადამდელი არჩევნების მოტივად როცა პედალირებდნენ. „ქართულმა ოცნებამ” დამაჯერებლად 47% აიღო და ცხადია, ეს არაკონსტიტუციური მოთხოვნა საპნის ბუშტივით გაქრა. ამას დაემატა ჯერ გაქცეული და შემდეგ შემოპარული სააკაშვილის დაკავება, რამაც მათ მავნებლურ გეგმებს ცივი წყალი გადასხა (ამინდიც ხელს უწყობს!). სხვათა შორის, არცერთი ქვეყნის ლიდერს არცერთი განცხადება არ გაუკეთებიათ სამარცხვინო ბელადის დაკავების შესახებ, ფაქტია, რომ ყველას თავი მოაბეზრა, და თან სააკაშვილის არეული საქართველო დიდი ხანია არავის აწყობს ადგილობრივი ამრევების გარდა. რადიკალებისთვის მარცხის ერთ-ერთი მთავარი მიზეზი პრემიერი ღარიბაშვილია, რომელსაც როგორც ქვეყნის შიგნით, ასევ საერთაშორისო ასპარეზზე მართლაც დიდი ავტორიტეტი აქვს. შემდგომი მარცხის შიშით მასზე შეტევა გადაწყვიტეს – აბსურდული ჭორიც კი მოიგონეს, თითქოს, პრემიერ-მინისტრის გადაყენება იგეგმება. არა და წესით, მეორე ტურზე უნდა ფიქრობდნენ, მაგრამ რა ქნან, როცა სხვა რამე არც იციან და არც რესურსი აქვთ“, – წერს ლევან ნიკოლეიშვილი „ფეისბუქზე“.
