ნობელის კომიტეტმა ლიტერატურის დარგში პრემიის გამარჯვებული დაასახელა. 2021 წლის პრემიის ლაურეატი აბდულრაზაკ გურნა გახდა.
„ლიტერატურაში 2021 წლის ნობელის პრემია აბდულრაზაკ გურნას გადაეცემა „კულტურებისა და კონტინენტების მორევში კოლონიალიზმის შედეგებისა და ლტოლვილთა ბედის უკომპრომისო და თანაგრძნობითი მხილებისთვის“, – ნათქვამია განცხადებაში.
აბდულრაზაკ გურნა ტანზანიაში, ზანზიბარის კუნძულზე 1948 წელს დაიბადა. 1968 წელს ის დიდ ბრიტანეთში გადავიდა საცხოვრებლად, სადაც კენტის უნივერსიტეტში სადოქტორო ხარისხი დაიცვა. აბდულრაზაკ გურნა თანამედროვე პოსტკოლონიალური მწერლების შესახებ კვლევების ავტორია.
