YouTube-ი საკუთარი პლატფორმიდან ყველა იმ ვიდეოს წაშლის, რომელშიც საუბარია იმაზე, რომ დამტკიცებული ვაქცინები არაეფექტური ან მავნეა. ამის შესახებ კომპანიაში განაცხადეს.
ახალი პოლიტიკის თანახმად, რომელიც დღეიდან ამოქმედდება, YouTube-ი ყველა იმ ვიდეოს წაშლის, რომელიც აცხადებს, რომ დამტკიცებული ვაქცინები საშიშია ან ჯანმრთელობის ქრონიკულ გვერდით მოვლენებს იწვევს.
ეს ნიშნავს, რომ ვიდეოები, რომელშიც საუბარია იმაზე, რომ ვაქცინა აუტიზმს, კიბოს ან უნაყოფობას იწვევს, დაუყოვნებლივ წაიშლება.