სკოლებში პირბადის ტარება ყველა მოსწავლისთვის აუცილებელი იქნება, – განაცხადა განათლების მინისტრმა მიხეილ ჩხენკელმა საკოორდინაციო საბჭოს სხდომის დასრულების შემდეგ.
„ეს დიდი მიღწევა უნდა შევინარჩუნოთ. ამისთვის აუცილებელია, ინტენსიურად გაგრძელდეს აცრის პროცესი. რაც შეიძლება მეტი ადამიანი უნდა იყოს ჩართული ვაქცინაციის პროცესში. იმისთვის, რომ ბავშვებს ჰქონდეთ საშუალება, სწავლა ბუნებრივ გარემოში გააგრძელონ, ჯანსაღი გარემო უნდა იყოს არა მარტო ოჯახებში, არამედ სკოლებშიც. ამიტომ მშობლებს ვთხოვ, აიცრან“, – განაცხადა ჩხენკელმა.
