თურქეთში ტყის ხანძრებმა ათობით სახლი ფერფლად აქცია. დაღუპულია 6 ადამიანი. ევაკუირებულია ასობით პირი – მათ შორის, ტურისტებიც. ხანძრის გამო, 400-მდე ადამიანის ჰოსპიტალიზაცია გახდა საჭირო. მათგან 10 ამ დრომდე ექიმების მეთვალყურეობის ქვეშ რჩება.
ხანძრის 100-მდე კერიდან, დაახლოებით 10-ის ლოკალიზება მეხანძრეებმა ჯერ ვერ შეძლეს.
ხანძრის კერები სამხრეთ თურქეთში – მერსინის, ოსმანიეს, ადანის, ანტალიისა და ქაჰრამანმარაშიის პროვინციების ტერიტორიაზეა. ცეცხლის ჩაქრობას 2 ათასამდე მეხანძრე-მაშველი ცდილობს. სამუშაოში ჩართულია თვითმფრინავები, ვერტმფრენები და წყლის ავზით აღჭურვილი ავტომობილები.
