მკვლელობა მოხდა ზუგდიდში. ტოლსტოის ქუჩაზე 65 წლამდე მამაკაცს ცეცხლსასროლი იარაღიდან ესროლეს. ის ადგილზე გარდაიცვალა. დაჭრილია მისი შვილიც, რომელიც საავადმყოფოშია გადაყვანილი.
თვითმხილველების თქმით, მამაკაცი ამავე ქუჩაზე მდებარე ბენზინგასამართი სადგურის მეპატრონეა. გავრცელებული ინფორმაციით, მამა-შვილთან უცნობი მამაკაცი მივიდა და მათი მისამართით რამდენჯერმე გაისროლა. შემთხვევას წინ უძღვოდა ურთიერთშელაპარაკება.
ადგილზე მობილიზებულია ექსპერტ-კრიმინალისტთა ჯგუფი. მიმდინარეობს საგამოძიებო მოქმედებები