პირველად ჩვენი ქვეყნის ისტორიაში, UFC-ის ოქროს ქამრის მფლობელი საქართველოშია.
სუპერმსუბუქ წონით კატეგორიაში ოქროს ქამრის მფლობელი ალჯამეინ სტერლინგი და UFC-ის მსუბუქი წონის ტოპ მებრძოლი ალ იაკუნტა საქართველოში, UFC-ის ქართველი ვარსკვლავის, მერაბ დვალიშვილის მოწვევით ჩამოვიდნენ.
მსოფლიოს ყველაზე პრესტიჟული საბრძოლო ორგანიზაციის წევრებს, აეროპორტში გულშემატკივარები დახვდნენ. სპორტსმენებმა გულშემატკივრებს ავტოგრაფები დაურიგეს და მათთან სამახსოვრო ფოტოები გადაიღეს.
ამერიკელი მებრძოლები საქართველოში მოგზაურობას და აქაური კულტურის გაცნობას გეგმავენ. ამასთან 23 ივლისს, „ჩემპიონთა აკადემიაში“ სამივე სპორტსმენი MMA-ს მასტერკლასებს გამართავს, სადაც დასწრება ნებისმიერ მსურველს შეეძლება.
