ქვეყანა უკვე კოვიდის მე-4 ტალღაშია და პიკს აგვისტოში მიაღწევს, – სპეციალისტები გარკვეული რეგულაციების გადახედვის აუცილებლობაზე საუბრობენ.
ინფექციური პათოლოგიის და შიდსის ცენტრის ინფექციონისტი, ალექსანდრე გოგინავა მოქალაქეებს მოუწოდებს, პირბადე გამოიყენონ ღია სივრცეში, იქ სადაც დისტანცირება ვერ ხერხდება.
„თუ ჩვენ არ დავიცავთ რეკომენდაციებს და არ იქნება სწორი და ადეკვატური ღონისძიებები გატარებული, რა თქმა უნდა, უახლოეს პერიოდში კიდევ უფრო გაუარესდება ეპიდსიტუაცია. უნდა ვატაროთ პირბადე არა მხოლოდ დახურულ სივრცეში, არამედ ღია სივრცეში, იქაც სადაც ხალხმრავალი ადგილია და სადაც ვერ ხერხდება დისტანცირება. ასევე, იმ ქვეყნებთან მიმოსვლა, სადაც მაღალია დელტა შტამის გავრცელება უნდა გადახედოს სახელმწიფოს მხრიდან”, – აცხადებს ალექსანდრე გოგინავა.
