ნატოს მოკავშირეები დღეს კიდევ ერთხელ დაადასტურებენ აქამდე მიღებულ გადაწყვეტილებას, რომ საქართველო ნატოს წევრი გახდება, – განაცხადა ნატოს გენერალურმა მდივანმა, იენს სტოლტენბერგმა ბრიუსელის ფორუმზე სიტყვით გამოსვლისას.
იენს სტოლტენბერგმა აღნიშნა, რომ გაწევრიანების ზუსტ თარიღს ვერ დაასახელებს.
„დღევანდელ სამიტზე თარიღები არ დასახელდება. ჩვენ ვფოკუსირდებით რეფორმებზე, საქართველოს მხარდაჭერასა და თავდაცვისა და უსაფრთხოების ინსტიტუტების მოდერნიზებაზე. ჩვენი მესიჯია, რომ ნატოს კარი ღიაა. მხოლოდ ასპირანტი ქვეყანა და ალიანსი გადაწყვეტს ჩვენი ალიანსის გაფართოების საკითხს. რუსეთს ამ პროცესში ჩარევის უფლება არ აქვს. სუვერენული ქვეყნის უფლებაა თავისი გზა აირჩიოს“, – აღნიშნა იენს სტოლტენბერგმა.
დღეს ბრიუსელში ნატოს სამიტი იმართება, რომელზეც საქართველოს საკითხიც განიხილება.
