ქვეყანაში მიმდინარე პოლიტიკურ პროცესებს ბოდბელი ეპისკოპოსი იაკობი ამბიონიდან ეხმაურება. მისი თქმით, ძალიან სამარცხვინოა, როდესაც უცხოელი პარტნიორები ჩაერივნენ პარლამენტში შესვლის საკითხთან დაკავშირდებით და ეს პირობა დღემდე მაინც არ სრულდება.
„ძალიან სამარცხვინო სიტუაციაში ვართ ერი, იმიტომ, რომ სამწუხაროდ, რაც არჩევნები ჩატარდა, ასე თავს ვიკლავდით არჩევნებისთვის, ხედავთ, რომ არავის არ უნდა ისე იცხოვროს, რომ ჭვრეტდეს ღმერთს. რამდენი თვე გავიდა და მადლობა ღმერთს, ჩვენ რომ იმის ჭკუა არ გვეყო, ამას ვამბობ პოლიტიკოსებზე, იმიტომ რომ ჩენი ერი ყოველივეს კარგს იმსახურებს. მოხდა რა – ჩაერია უცხოეთი და მაინც ვერ გაიგეს ჩვენებმა, თუ რისთვის ჩაერია. ეს იმაზე კი არ არის, 6 პუნქტზე მოაწერ ხელს თუ 2000-ზე, მთვარი იყო, რომ ჩენ შევრიგებულიყავით, აღარ ყოფილიყო ეს მტრობა. მეტი ვინ უნდა ჩაერიოს… ზოგს ის არ აინტერესებს, უცხოეთი რომ ჩაერთო, დალოცვილო, როცა იმის ჭკუა არ გაქვს, აქ გადაწყვიტო, უცხოეთთან ხომ უნდა გქონდეს ურთიერთობა, რაღაცა ისე გააკეთე, შენ ერს ჰკითხე, რა უნდა, როგორ უნდა. რამდენი ხანი უნდა ვიყოთ – შევიდნენ თუ არ შევიდნენ… თუ არ უნდათ, სულ ნუ შევლენ, რომ შევიდნენ, რას გააკეთებენ შესვლით და რომ არ შევიდნენ, რასაც გააფუჭებენ, ვხედავთ. ამდენი ხანი არ ესმოდათ, თუნდაც თავს თვლიდე მოტყუებულად, თვლიდე, რომ რაღაც წაგართვეს. იმის გამო, რომ მძიმე სიტუაციაში ვართ, ღმერთი გვიფარავს, მტერი არ შემოდის, თორემ რომ შემოსულიყო, ერთმანეთს გაასწრებდა ყველა. ბევრს გაუხარდა, ვისაც სიტყვა ჰქონდა მიცემული და პარლამენტში ვერ შედიოდნენ, მერე გაუხარდათ და შევიდნენ, მაგრამ მტრობა ისევ გრძლდება. თუ არ შერიგდით, ვის რაში სჭირდება თქვენი პარლამენტი და პარლამენტში შესვლა? რას დაამსგავსეთ საქართველო?“ – აცხადებს მეუფე იაკობი.
