როგორ უნდა დაიცვას თავი საქართველომ კორონავირუსის ინდური შტამის გავრცელებისგან და ხომ არ აპირებს მთავრობა დამატებითი შეზღუდვების დაწესებას ინდოეთიდან ჩამოსული სტუდენტებს მიმართ – ამასთან დაკავშირებით დასმულ კითხვას დაავადებათა კონტროლის ეროვნული ცენტრის დირექტორის მოადგილემ პაატა იმნაძემ „ევროპის იმუნიზაციის კვირეულისადმი” მიძღვნილ პრესკონფერენციაზე უპასუხა.
„როდესაც მთელ მსოფლიოში რაღაც გავრცელდება, საქართველო არის დედამიწის ნაწილი და ვერ იქნება იზოლირებული მთელი მსოფლიოსგან. შესაბამისად პირდაპირი რისკები, რომ ადრე არ გავრცელდა ბრიტანული შტამი, მაგრამ როდესაც ყველგან გავრცელდება, საქართველო მთვარეზე არ არის, დედამიწაზეა, შესაბამისად პირდაპირი რისკები არ იქნება, მაგრამ როცა ყველგან გავრცელდება, საქართველო ვერ ჩაიკეტება“, – განაცხადა პაატა იმნაძემ.
