დადებითობის მაჩვენებელი მცირედ, მაგრამ თანდათან იზრდება, რაც იმის ნიშანია, რომ შესაძლებელია მივიღოთ ვირუსის გავრცელების მკვეთრი აღმავლობა, – ამის შესახებ ინფექციონისტმა, მაია ბუწაშვილმა „ტვ პირველის“ ეთერში განაცხადა.
„საბედნიეროდ, ჯერჯერობით ინფიცირებულების მკვეთრ მატებას ვერ ვხედავთ და იმედს ვიტოვებთ, რომ შემოდგომის სურათს ხელახლა არ მივიღებთ“, – განაცხადა მაია ბუწაშვილმა.
მისი თქმით, კორონავირუსს სეზონურობა ნაკლებად ახასიათებს.
„ზაფხულში მობილობა იზრდება და შარშან ზაფხულში ეს მოხდა, კურორტებზე მოხდა ადამიანების კონცენტრირება, რაც დიდი რისკის მატარებელია“, – განაცხადა მაია ბუწაშვილმა.
