ახალციხის კლინიკა „იმედის” ექთანი კორონავირუსის ვაქცინაზე დღეს აიცრა. როგორც ახალგაზრდა ექთნის თანამშრომლები აცხადებენ, ვაქცინის გაკეთების შემდეგ, მისი ჯანმრთელობის მდგომარეობა გართულდა. ამის შესახებ ინფორმაციას „რეგიონული კვირა“ ავრცელებს.
„ჯერ ვერაფერს გეტყვით. ფაქტი ნამდვილად მოხდა, ექთანს გაუკეთდა ვაქცინაცია და გახდა ცუდად. რეაქციას უკავშირდება თუ არა ამას ანალიტიკური ჯგუფი შეისწავლის, ამ ეტაპზე პაციენტი ძალიან ცუდადაა”, – განუცხადა „რეგიონულ კვირას” კლინიკა „იმედის” მენეჯერმა, მზია კაკოშვილმა.
