საქართველოს პრეზიდენტი Сovid-19-ის საწინააღმდეგო „ასტრაზენეკას“ ვაქცინით, პირდაპირ ეთერში აიცრა. როგორც პრეზიდენტმა ვაქცინაციის შემდეგ აღნიშნა, პანდემიით შექმნილი კრიზისიდან გამოსასვლელად საზოგადოებამ ვაქცინა უნდა გამოიყენოს.
„დღეს ურიგოდ ჩავიტარე აცრა, რამეთუ არც პრეზიდენტს ეკუთვნის და არც იმ ჯგუფში ვარ, რომელსაც ურიგოდ ეკუთვნის. ჯერ ექიმების, ექთნების და იმ მედპერსონალის რიგია, რომლებმაც ეს თვეები მძიმედ გაიარეს და ნამდვილად საჭიროა, რომ აიცრან, რათა გადამდებები არ იყვნენ და იყვნენ დაცულები, რამეთუ მათზე ძალიან ბევრი რამ არის დამოკიდებული. თუ გვინდა, რომ იმ მძიმე ეკონომიკური შედეგებიდან გამოვიდეთ, რაც მთელ მსოფლიოში პანდემიას მოჰყვა, აუცილებელია ეს საშუალება გამოვიყენოთ, რათა დავიცვათ საზოგადოება, ქვეყანა. ყველას გისურვებთ ჯანმრთელობას და დარწმუნებული ვარ, რომ ჩვენ ამ გამოწვევასაც გადავლახავთ“, – განაცხადა პრეზიდენტმა.
