იაპონიის საელჩომ თელავს მაღალი გამავლობის ევროსტანდარტების შესაბამისი რეანომობილი გადასცა, რომელიც მძიმე პაციენტების თბილისში გადაყვანას უზრუნველყოფს.
„იაპონიის საელჩომ საჩუქრად გადმოგვცა თანამედროვე სტანდარტების რეანომობილი. მუნიციპალიტეტის მასშტაბით მსგავსი ტიპის სამედიცინო ტრანსპორტი ამ დრომდე არ გვყავდა. რეანომობილი მაქსიმალურად უსაფრთხოდ უზრუნველყოფს მძიმე პაციენტების დედაქალაქში ტრანსპორტირებას. დიდ მადლობას ვუხდით იაპონელ ხალხს გულისხმიერებისთვის“, – განაცხადა თელავის მუნიციპალიტეტის მერმა, შოთა ნარეკლიშვილმა.
თელავის გარდა რეანომობილები ოზურგეთს, ამბროლაურსა და ზუგდიდს გადაეცა.
