ვფიქრობ, ძალადობას ცდილობდა. ბატონ გოგის ჩემგანაც მოხვდა. ვუთხარი, პოლიციას გამოვიძახებ და აუცილებლად გაზღვევინებ-მეთქი და ამან შეაშინა, – აცხადებს ქალი, რომელზეც შსს-ს ინფორმაციით, გოგი წულაიამ იძალადა.
„მე და ბატონი გოგი წლებია ვმეგობრობთ, კარგი მეგობრული ურთიერთობა გვქონდა. ბატონ გიორგი მარგველაშვილთან ჰქონდა შეხვედრა დანიშნული და უნდოდა ამ მოლაპარაკებაზე მასთან ვყოფილიყავი. მეგობრულად ვუთხარი, რომ თუკი რამე შემიძლია, რა თქმა უნდა, გვერდით დაგიდგები-მეთქი. შემდეგ დალია, ვერ მოზომა და მივიღეთ ის შედეგი, რაც მივიღეთ. ძალიან შეურაცხყოფილი ვარ“, – აცხადებს დაზარალებული.
შსს-ს ინფორმაციით, გოგი წულაია ნაცნობ ქალზე ძალადობის ბრალდებით დააკავეს.
