გერმანიაში, ქალაქ ჰამბურგში ახალი ტიპის კორონავირუსით ორი კატა დაინფიცირდა. ადგილობრივი მედიის ცნობით, საუბარია შინაურ კატებზე, რომელთა პატრონიც ადრე COVID-19-ით გარდაიცვალა.
გერმანიის ფედერალური რესპუბლიკის სოფლის მეურნეობის სამინისტროს ცნობით, კატების კორონავირუსის ინფექცია ფრიდრიხ ლოფლერის ვეტერინარული მედიცინის ინსტიტუტის ექსპერტებმა დაუდასტურეს.
ინსტიტუტის ცნობით, ინფიცირებული კატები კარანტინში არიან მოთავსებულნი და თავს კარგად გრძნობენ.
გერმანიაში კორონავირუსით კატების ინფიცირების სულ ხუთი შემთხვევაა დაფიქსირებული. ამასთან დაავადება ორ ძაღლსაც დაუდასტურდა.
