გარდაცვლილი 14 წლის გოგონას საქმეზე ქობულეთის პოლიციის განყოფილებაში გამოკითხვები გრძელდება. გამომძიებლების კითხვებს დღეს მთელი დღის განმავლობაში პასუხობდნენ მოზარდის ახლობლები. გამოკითხვების პარალელურად კი, ბრალი წარუდგინეს გარდაცვლილი გოგონას ბაბუას. პროკურატურის მტკიცებით, სულიკო ცეცხლაძემ შვილიშვილის მიმართ განხორციელებული ძალადობა აღიარა.
სხვა პირების დაკავებას ელოდება გარდაცვლილი გოგონას დედა, რომელიც ამბობს, რომ მის შვილზე ბაბუა და მისი ძმები როგორც ფიზიკურად, ასევე ფსიქოლოგიურად ძალადობდნენ.
14 წლის გოგონას გარდაცვალების საქმეზე გამოძიება გრძელდება, არ არის გამორიცხული, რომ ბრალდებულ პირთა წრე გაიზარდოს. საქმეს უკვე ჰყავს 2 დაკავებული, გარდაცვლილის ბაბუა და 23 წლის მამაკაცი, რომელსაც გამოძიება 16 წლამდე პირის მიმართ სქესობრივ კავშირს ედავება.
