ეკონომიკის მინისტრის ინფორმაციით, მმართველობის ხარისხი, მაკროეკონომიკური სტაბილურობა და უწყვეტი რეფორმები სააგენტოს აძლევს შესაძლებლობას მაღალ დონეზე შეაფასოს ეკონომიკური და საინვესტიციო, ბიზნესგარემოს მიმზიდველობის ხარისხი.
Fitch-ის შეფასებით, ეკონომიკის გაჯანსაღების ტემპი იქნება საშუალოზე მაღალი, 4,3%-იანი ეკონომიკურ ზრდა.
„ჩვენს რეგიონში და აღმოსავლეთ ევროპაში, სხვადასხვა ქვეყანას საერთაშორისო საკრედიტო რეიტინგი დაუქვეითდა. საქართველო არის გამონაკლისი ქვეყანა. Fitch-ის შეფასებით, ჩვენთან ეკონომიკის გაჯანსაღების ტემპი იქნება საშუალოზე მაღალი. კერძოდ, წელს ვარაუდობენ 4,3%-ს. ნიშანდობლივია, რომ 2022 წლისთვის Fitch-ის შეფასება უფრო ოპტიმისტურია, ვიდრე ზოგიერთი საერთშორისო ინსტიტუტის და 5,8%-ს ვარაუდობენ მომავალ წელს. ხაზს უსვამენ, რომ ხელისუფლება ატარებს გონივრულ, ანტი-კრიზისულ პოლიტიკას“, – განაცხადა საქართველოს ეკონომიკის მინისტრმა ნათია თურნავამ.
