გოდერძის უღელტეხილზე თოვლში ჩარჩენილი მოქალაქეები მაშველებს გამოჰყავთ. ჯერჯერობით უცნობია, რამდენი ადამიანია თოვლში ჩარჩენილი. ბოლო მონაცემებით დაშავებული არავინაა. შინაგან საქმეთა სამინისტროს საგანგებო სიტუაციების მართვის სამსახურის თანამშრომლები ადგილზე 7 საათის წინ მივიდნენ.
„საზოგადოებრივი უსაფრთხოების მართვის ცენტრ „112“-დან შემოსული ინფორმაციით, ბათუმი-ახალციხის საავტომობილო გზის 32-ე კილომეტრზე მყოფი ავტომობილები ვერ ახერხებდნენ გადაადგილებას და ესაჭიროებოდათ მაშველების დახმარება. ადგილზე მისული სამაშველო ჯგუფების გადმოცემით, ამ ტერიტორიაზე, საგანგებო სიტუაციების მართვის სამსახურის თანამშრომლების მიერ საბუქსირე საშუალებით დახმარება გაეწია 8 ავტომობილს, რომლებმაც უკვე გააგრძელეს სვლა. ორი ავტომობილის მგზავრები სამაშველო ჯგუფმა გადაიყვანა და უახლოეს სასტუმროში უსაფრთხოდ დააბინავა. ამ დროისთვის, მეხანძრე-მაშველები კიდევ 5 ავტომობილის მგზავრებს ეხმარებიან“, – აცხადებენ უწყებაში.
