ქალაქ თელავში მუნიციპალური ტრანსპორტი პირველად იმოძრავებს. 50 მგზავრზე გათვლილი თანამედროვე სტანდარტების ავტობუსები მუშაობას სატესტო რეჟიმში დაიწყებს. ტრანსპორტით გადაადგილება უფასო იქნება და თავდაპირველად ქალაქის შიდა ტერიტორიაზე იმოძრავებს. ახალი ავტობუსები სრულად ადაპტირებულია შეზღუდული შესაძლებლობების მქონე პირებისთვის.
ტრანსპორტის გამართულად ფუნქციონირებისთვის თელავის მუნიციპალიტეტის საკრებულოს მხარდაჭერით, ავტოსატრანსპორტო კომპანია დაფუძნდა.
თანამედროვე სტანდარტების 5 ახალი ავტობუსი თელავს ევროპის რეკონსტრუქციისა და განვითარების ბანკის ფინანსური მხარდაჭერით გადაეცა. პროგრამის ფარგლებში თელავს დამატებით 5 ავტობუსი კიდევ გადაეცემა, რომელიც მუნიციპალიტეტის ტერიტორიაზე იმოძრავებს.
