ზაზა გახელაძეს ცხინვალის ე.წ. უზენაესმა სასამართლომ 12 წლითა და 6 თვით თავისუფლების აღკვეთა მიუსაჯა. ამ ინფორმაციას ოკუპირებული სამხრე ოსეთის მედიასაშუალებები ავრცელებენ.
კასპის მუნიციპალიტეტის სოფელ ქვემო ჭალაში მცხოვრები ზაზა გახელაძე ცხინვალში რუსეთის სისხლის სამართლის კოდექსის ორი მუხლით გაასამართლეს. მას ბრალად სამართალდამცველი ორგანოს თანამშრომლის სიცოცხლის ხელყოფა და სახელმწიფო საზღვრის უკანონოდ გადაკვეთა დაედო.
გახელაძე უკანონო პატიმრობაში 2020 წლის 11 ივლისის შემდეგ იმყოფება. ის ოკუპანტებმა გატაცების დროს ცეცხლსასროლი იარაღით ფეხის არეში დაჭრეს.
