უსაფრთხოებისა და საგარეო პოლიტიკის საკითხებში ევროკავშირის უმაღლესი წარმომადგენელი, ჟოზეპ ბორელი, რომელიც ვიზიტით მოსკოვში იმყოფება, რუსეთიდან ევროპელი დიპლომატების გაძევებას გამოეხმაურა.
„დღეს მოსკოვში საგარეო საქმეთა მინისტრ სერგეი ლავროვთან შეხვედრისას შევიტყვე, რომ სამი ევროპელი დიპლომატი რუსეთიდან გააძევეს. მე მკაცრად ვგმობ ამ გადაწყვეტილებას და უარვყოფ გაჟღერებულ ბრალდებებს, რომ ისინი უცხოელი დიპლომატების სტატუსთან შეუთავსებელ საქმიანობას ახორციელებდნენ. ეს გადაწყვეტილება უნდა გადაიხედოს“, – განაცხადა ჟოზეპ ბორელმა.
