25-28 დეკემბერს „ქალი და გენდერული თანასწორობის“ გუნდმა დონაციის კამპანიის სამოქმედო გეგმა შეიმუშავა. ინიციატივის მიხედვით, ორგანიზაცია საკუთარ ბენეფიციარებს დასახმარებლად ქრაუდფანდინგის – სახალხო დაფინანსების მექანიზმსაც გამოიყენებს.
კამპანიის ფარგლებში შეგროვებული თანხა მოხმარდება მსხვერპლი ქალებისა და ბავშვების სხვადასხვა საჭიროებების დაკმაყოფილებას – ფსიქოლოგიურ მომსახურებას, ჯანდაცვის სერვისების მიწოდებას, განათლებისა და მათი ეკონომიკური დამოუკიდბელობის ხელშეწყობას
„ქალი და გენდერული თანასწორობის ორგანიზაცია დონაციის კამპანიას სულ მალე დაიწყებს. ინიციატივის საშუალებით გავაძლიერებთ არა მხოლოდ კონკრეტულ ბენეფიციარებს, არამედ ორგანიზაციასაც: ორგანიზაციული და სტრუქტურული გაძლიერება პირდაპირ აისახება ჩვენი მოქმედი თუ მომავალი ბენეფიციარების კეთილდღეობაზე.“- აცხადებს ორგანიზაციის წარმომადგენელი აქტივისტი მარიამ მედულაშვილი
