გუშინ, საღამოს საათებში, ახმეტის მუნიციპალიტეტში, პანკისის ხეობაში მცხოვრებ ზაირა ბაღაკაშვილს, კუთვნილი ავტომობილი უცხო პირბემა დაუწვეს. რა გახდა ავტომობილ „ოპელ ვექტრას“ დაწვის მიზეზი, პოლიციაში აცხადებენ, რომ ამ ეტაპზე მიმდინარეობს გამოძიება.
მედიასთან საუბრისას ზაირა ბაღაკაშვილი აცხადებს, რომ მას უცხო პირები ემუქრებიან.
„ახალი დაბრუნებული ვარ გერმანიიდან საქართველოში. პირადად მე, მტრები არ მყავს. თუმცა, ქვეყანა იმ მოტივით მქონდა მე და ჩემი ოხაჯის წევრებს დატოვებული, რომ ჩვენთვის უცნობი პირები ავიწროებდნენ ჩემ შვილს. სულ რამდენიმე დღეა, რაც საქართველოში ვარ, უკვე გამოჩნდნენ და დაიწყეს მუქარები. წარმოდგენა არ მაქვს, ვინ არიან, რა უნდათ და რას გვერჩიან მთელ ოჯახს. ჩვეულებრივი ხალხი ვართ, არც ფული გვაქვს, არც კაცი მოგვიკლავს. პირიქით, სიკეთის მეტი არაფერი მიკეთებია“, – აცხადებს ბაღაკაშვილი.
ბაღაკაშვილი მედიასაშუალებებთან იხსენებს იმ დღეს, როდესაც ავტომანქანის დაწვის ფაქტი მოხდა.
„სახლში ვიყავი და მოულოდნელად გავიგე ხმაური. გამოვვარდი სახლიდან და ვხედავ, რომ ავტომობილს ცეცხლი უკიდია. მე და ჩემმა მეზობლებმა ვერ შევძელით ცეცხლის ჩაქრობა. სანამ სახანძრო მოვიდა, მანქანა ნახშირად იყო უკვე ქცეული“, – ამბობს ზაირა ბაღაკაშვილი.
13.04.2018
